Մեր առաքելությունը հստակ է՝ հեղափոխել արահետային զբոսաշրջությունը Հայաստանի ամբողջ երկարությամբ:
Արահետները հնարավորություն են տալիս կապելու համայնքներն ու լանդշաֆտները՝ ապահովելով լայնածավալ և երկարատև օգուտներ:
Ահա թե ինչու ենք մենք կառուցում սահմանից սահման, Հայաստանի ամբողջ երկայնքով ձգվող արշավային արահետ՝ նոր հնարավորություններ բերելով գյուղական համայնքներին և գործարարներին։
Ավարտվելուց հետո, այս 827 կմ երկարությամբ ազգային արահետը կմիանա Տրանսկովկասյան արահետի մյուս ճյուղավորումներին՝ դասվելով աշխարհի ամենաքննարկվող նոր երկարաձիգ արահետների շարքին:
Մեր աշխատանքը դուրս է գալիս գրասենյակային միջավայրից և մղվում դեպի բնություն:
Մենք ուսումնասիրել ենք հազարավոր կիլոմետր արահետներ՝ կատարյալ երթուղի գտնելու համար՝ աննախադեպ մանրամասնությամբ քարտեզագրելով հեռավոր շրջանները:
Դրանով մենք բացահայտել ենք պատմական արահետների մի ամբողջ ցանց՝ միահյուսված բնական և մշակութային ժառանգության վայրերին, որոնք իրար հետ ստեղծում են աննկարագրելի ճանապարհորդություն՝ կյանքի կոչելով Հայաստանի պատմությունը:
Արահետի ավարտված հատվածները գրավում են միջազգային լրատվամիջոցների ուշադրությունը, և դրա հետ մեկտեղ նաև՝ առաջանցիկ մտածելակերպով, էկոլոգիապես գիտակից այցելուների նոր շուկան:
Այս տեսլականը կյանքի կոչելու համար ոչ թե նախագիծ, այլ մի ամբողջ ընթացք կպահանջվի:
Մենք Հայաստան ենք բերում առաջադեմ փորձառություն՝ ոգեշնչելու արշավականների և արահետներ սպասարկողների նոր սերնդին:
Մեր և մեր գործընկերների ծրագրերի շրջանավարտներն այժմ առաջատար տեղեր են զբաղեցնում արահետների զարգացման կազմակերպություններում ամբողջ երկրով մեկ:
Համատեղելով միջազգային լավագույն փորձը տեղում տիրող ոգևորության հետ՝ բնության սիրահար առաջամարտիկների համայնքը դիրքավորում է Հայաստանը միջազգային քայլարշավային քարտեզի վրա։
Մենք քայլ առ քայլ կիրականացնենք այս երազանքը
Սա փառահեղ առաջադրանք է, և մենք մեր ճանապարհն ենք հարթում դեպի ավելի լավ Հայաստան բոլորի համար։
Ահա միայն մի քանի տվյալներ, թե ինչ ենք ձեռք բերել մինչ այժմ.
| 827 կմ | ուսումնասիրված, քարտեզագրված և փորձարկված, սահմանից սահման ձգվող ազգային արահետ |
| 1,323 կմ | էքսկուրսիաների և այլընտրանքային երթուղիների ընդլայնված ցանց |
| 38% | գծանշված և ցուցանակներով կահավորված, սահմանից սահման ձգվող ազգային արահետ |
| 3 | նոր՝ 1:25.000 մասշտաբի տեղագրական արշավային քարտեզներ |
| 76 | համայնք՝ միացված աճող հնարավորությունների հոսքին |
| 11 | հատուկ պահպանվող տարածքներով անցում և պահպանությանն ուղղված քայլերի հզորացում |
| 50 | մշակութային ժառանգության վայրերի հասանելիության ավելացում արահետներն օգտագործողների համար |
Սա ազգային մասշտաբի մեծ պատկեր է՝ մասերի բաժանված: Կարո՞ղ եք օգնել մեզ միավորել դրանք:
Մենք շահույթ չհետապնդող փոքր կազմակերպություն ենք, հիմնված մասնավոր նվիրատուների վրա՝ մեր աշխատանքը հնարավոր դարձնելու համար:
Յուրաքանչյուր դոլար և դրամ մեզ հնարավորություն է տալիս շարունակել շահագործման հանձնել և խթանել Հայաստանի ազգային արահետների ցանցի նոր հատվածները՝ արահետների ուսումնասիրման, ենթակառուցվածքների զարգացման, տեղական համայնքների աշխուժացման և իրազեկման չընդհատվող ծրագրերի միջոցով։
| Գումարի չափ | Ինչին է ուղղված աջակցելու |
|---|---|
| $10 | Տեղական կորպուսի անդամի համար արահետների սպասարկման մեկօրյա վերապատրաստում |
| $20 | Տեղական կորպուսի անդամի համար արահետների սպասարկման երկօրյա վերապատրաստում |
| $50 | Մեկօրյա մասնագիտական վարձատրվող աշխատանք պատմական արահետի վերականգնման համար |
| $100 | Մեկօրյա ուսումնասիրություն և քարտեզագրում մեր արահետների հետազոտման թիմի կողմից |
| $500 | Համայնքային տեղեկատվական վահանակի տեղադրում մեկ գյուղում՝ արահետի վրա |
| $1,000+ | Գյուղից գյուղ արահետի գծանշում և սպասարկում հինգ տարի ժամկետով (նույնն է թե՝ «արահետի որդեգրում») |
Նվիրաբերիր հիմա
Սեղմելով վերևի կոճակը, Դուք կանցնեք մեր հայաստանյան բանկի (ACBA Credit-Agricole բանկ) կողմից տրամադրվող քարտային վճարման ծառայության էջ: Ձեր նվիրատվությունը կփոխանցվի անմիջապես Տրանսկովկասյան արահետ զբոսաշրջության աջակցման ՀԿ-ին և կհայտնվի Ձեր քարտի քաղվածքում որպես TRANSCAUCASIANTRAIL YEREVAN: Մենք կկապվենք Ձեզ հետ՝ շնորհակալություն հայտնելու Ձեր նվիրատվության համար՝ օգտագործելով վերը նշված էլ․ հասցեն:
Մենք նաև հնարավորություն ենք տալիս հովանավորել առանձին նախագծեր՝ տեսանելիության ապահովման տարբերակներով՝ Ձեր աջակցության դիմաց:
Կամ այցելեք մեզ՝ նախապես պայմանավորվածությամբ, հետևյալ հասցեով
Տրանսկովկասյան Արահետ Հայաստան
Իմփաքթ Հաբ Երևան
Տիգրան Մեծ պողոտա, 80
Երեւան 0005
Հայաստան